40. Reply to an Announcement by J. Rankine I AM a keeper of the law
In some sma’ points, altho’ not a’;
Some people tell me gin I fa’,
Ae way or ither,
The breaking of ae point, tho’ sma’,
Breaks a’ thegither.


I hae been in for’t ance or twice,
And winna say o’er far for thrice;
Yet never met wi’ that surprise
That broke my rest;
But now a rumour’s like to rise—
A whaup’s i’ the nest!

40. Reply to an Announcement by J. Rankine by Robert Burns